结婚16周年张智霖竟然叫靓靓悭啲阿Sa声

每日歌曲

容祖儿《时间的错》

今日快报

秘挞神秘富豪　廖碧儿升呢住千万豪宅

现年38岁、华姐冠军出身嘅廖碧儿（Bernice）入行多年，曾经与刘恺威同陈豪拍拖，但都系无疾而终。Bernice近年不时话系单身，但其实已经秘挞一名神秘富豪男友，男方对佢照顾有加，水头充足嘅Bernice衣食住行全部升呢！变富贵嘅Bernice除咗搬离同父母一齐住嘅将军澳寓所，独自秘密搬入大埔倚龙山庄千万豪宅！平日由父亲做柴可夫嘅Bernice，仲请咗一名女司机管接管送，劲豪呀！Bernice有「大水喉」射住，决心向商界发展，早前仲喺法国买下近千万港元嘅酒庄，又喺中环开酒吧，更豪掷逾百万喺香港仔工厦开设中央厨房搞自家制食物加工场，可以话系财来自有方！

平日唔使工作嘅日子，Bernice就过住阔太生活。为咗唔想男友呷醋，佢变咗异性绝缘体，连司机都系女仔，平日出去都只系搵女仔朋友见面。呢几日，见佢约女仔朋友叹茶行名店，又去美容院扮靓靓，又做瑜伽keep住弗爆身材，认真豪呀！

艺人袁咏仪（靓靓）同老公张智霖（Chilam），向来人前人后都好恩爱，系圈中嘅模范夫妻。原来佢哋唔经唔觉已经结咗婚16周年，昨日系佢哋结婚周年，佢哋冇选择二人世界庆祝，反而孖囝囝魔童同埋一众好友，好似有伍咏薇夫妇、邱淑贞夫妇、蔡一智夫妇等，一齐庆祝，相当热闹。

有「爱妻号」之称嘅Chilam仲送上鲜花畀靓靓，靓靓急不及待喺微博分享，留言话：「好惊喜！张先生竟然送花，真是开心得飞起来。谢谢见证我们16年的好朋友一起来庆祝，谢谢。」Chilam除咗识得送花冧老婆之外，仲好识趣手写咗张卡，内容系「Dearest老婆，16上有您（你）」简单字句已经感受到Chilam对靓靓嗰份真情同浪漫！

事后联络张智霖，佢话：「送咗扎花同卡畀佢，乜都冇?嘞，系得呢啲，物轻情义重吖嘛。其实同朋友食餐饭，都唔系送咩惊喜，佢嚟到咪送扎花畀佢囉，我又冇收埋扎花。」张智霖又话9日要去北京拍戏一个月，嗰边又冻天气又差，佢话：「我呢啲名符其实捱世界，所以今晚出嚟玩番晚。」问到结婚十六年来有咩说话要同太太讲，佢即刻打情骂俏话：「冇乜要讲，叫佢悭啲啦。叫佢悭啲有好多意思，可以系悭啲啦Baby。」靓靓听到即抢住话：「悭啲喺唔同场合、唔同情况都有好多不同定义?。我就会叫佢悭啲钱，唔好买咁多车，悭啲力水唔好成日出去玩。」对于老公送花，靓靓开心话：「好似中咗六合彩咁，咁多年来佢真系好少送花，好感动呀，冇谂过佢会送花，好难得。」

廖碧儿搬入大埔豪宅，与旧爱陈豪一家所住的比华利山只有约5分钟车程。眼见旧爱一家相当活跃，为免撞口撞面，廖碧儿经常由司机接载早出晚归，甚少在大埔区露面。日前，陈豪和陈茵媺又分头出动，陈豪帮座驾扮靓，陈茵媺则一拖三带仔女去拜年。当日中午12时许，陈茵媺替子女悉心打扮，由司机接载往深井拜年。抵达后，她抱实9个多月大的幼女陈凯婷落车，只见小公主穿上一身中式贺年装，面珠肥嘟嘟，相当可爱！陈茵媺边行边帮女儿拨头发，大仔梓烨和二子浩锋则由佣人照顾，一行人齐齐往友人家登门拜年。

另一日下午，陈豪与哥哥先到位于荃湾的公司向员工派开工利是，然后到土瓜湾帮座驾扮靓。两兄弟行出行入与车行职员研究一番后，最后放下座驾，由友人接载离开。

歌手周柏豪入行10年，将于4月28至30日第二度登上红馆，举行名为《OneStepCloserPakhoLive》的10周年演唱会。乐迷期待已久，优先订票，开卖迅即爆满，前天演唱会门票公开发售后亦火速售罄。很多乐迷纷纷留言埋怨买不到飞，要求再度加场，可是因场地期满，已经不能再加。歌迷知道后均呼吁他举行part2演唱会，而柏豪亦希望能加开几场，跟更众多歌迷分享10年的经历和回忆。

柏豪得悉消息后说：「非常意想不到！谂唔到三场嘅门票咁快卖晒。同事send售票处出面告示嘅相畀我，睇到『全满』嗰刻真系感动到想喊，感激大家支持！」他还透露有很多圈内外朋友陆续向他留飞，所以也在担心如何安排，笑言今次周身债。

无线剧集《平安谷．逐个捉》在将军澳电视城拜神，出席艺员包括陈凯琳、龚嘉欣、朱晨丽、刘江、韦家雄、阮兆祥、谭凯琪、沈卓盈和陈庭欣等。陈凯琳与龚嘉欣表示她们正计划剧集煞科后组「少妇联盟」去旅行，地点仍在考虑中，龚嘉欣笑说：「希望可以租一间度假屋一齐游水，又可互相帮大家影靓相。（泳装相？）可能系一件头泳装或者潜水衣呢。」而陈凯琳则说：「好难得一班女仔合作得开心，大家又熟络，所以唔希望拍完剧就各散东西。」

问陈凯琳如何庆祝情人节（2月14日）？她表示当天将与龚嘉欣一齐开工度过。问会否提早与男友郑嘉颖庆祝情人节？她说：「13号系嘉颖套《迷》首播，希望可以抽到时间食饭兼睇首播庆祝，情人节礼物准备紧，保持神秘。」至于单身的龚嘉欣则无奈地说：「我开工反而仲好，公司帮我安排咗情人节嘅节目。」

歌手蔡卓妍（阿Sa）过年前因过劳而胃酸倒流，引至声带水肿发炎，不停看医生针灸之后，已经好转之中，不过医生建议她最好休息大半年，少说话不唱歌。但阿Sa指根本没可能做到，因为除了2月19日要去美国RENO巡演出，接着在旧金山又有歌迷见面会之外，之后的巡回演出也非常密集，去完美国后便是大陆巡唱，到福州、东莞、重庆、南宁及广州5个地方，年底还有马来西亚等地演出，她谓：「我已经好听医生话，努力改变自己的生活习惯，戒咗瞓前食野，听晒医生讲，依家每日朝早7点至9点期间要起身食饭。我叫佣人姐姐煮定饭，叫我起身食囉，真系身体好咗，把声都开咗好多。针灸要针埋个鼻，其实几痛，不过针完之后我发觉又几好，黑眼圈都好似细左。之前克勤哥哥（李克勤）都有同我讲，佢都试过声带有事，搞咗年几先好得番，我希望我后生过佢，可以快好过佢啦。」

锺欣潼（阿娇）就表示自己都一样，早上7至9时要食饭，因为之前荷尔蒙失调，肥了20磅，之后营养师调节她的饮食才慢慢减下来，她说：「新年期间，我就真系好唔乖，喺台湾狂食，食到尽咗?啦，由今日开工开始又再食番营养师餐囉，不过迟啲又要去拍美食节目，食尽全世界，去美国之前去日本拍，我都唔知点算好，明明减紧肥，又要不停喺镜头面前食。」至于两人情人节如何度过，阿娇就透露会在日本工作，没有情人。阿Sa亦一样，不过是去纽约时装节，她说：「我个发型师已经借啲意带埋女朋友一齐去啦，我到时一个人，咪惟有做佢两个电灯胆囉，坐喺佢哋中间整蛊佢！我冇情人你都咪使旨意过情人节！但系我觉得我今年可能会有桃花运行喎，因为每年我妈都会帮我过年买桃花，旧年桃花开得好好，但系呢，我一个情人都冇。今年有?啦，因为我去完泰国返屋企，发现我屋企啲桃花竟然系一粒花都冇，得番啲树枝！我问工人同妈咪，点解会咁?？冇人答到我！咁照旧年开晒花冇情人的情况，今年冇花就一定有情人啦！」阿娇闻言笑道：「哗，你呢啲咩歪理？咁啦，一系情人节嗰日，我喺日本打FaceTime畀你囉！」

本期话题

祝福阿娇阿Sa早日觅得有情人啦！

?转载授权

?商务

?投稿邮箱：tghkchannel